𝐀𝐒𝐒𝐀𝐌 𝐏𝐀𝐓𝐑𝐈𝐊𝐀 &𝐍𝐄⁷
ৰমেশ চন্দ্ৰ চৰেণ’ : Assam Patrika Ne⁷ ২৭ ডিচেম্বৰ
ৰাজ্যত চলিছে এতিয়া নিৰ্বাচনী কুচকাৱাজ ৷ প্ৰাৰ্থীত্বক লৈ সমষ্টি সমুহত চলিছে চৰ্চা ৷ কোনে টিকট পাব , কাৰ কপাল ফুলিব ৷ ইতিমধ্যে সমষ্টিয়ে সমষ্টিয়ে চলিছে জল্পনাকল্পনা ৷ ব্যক্তিক্ৰম নহয় ৭৩ নং বিহপুৰীয়া সমষ্টিয়ো ৷ বিজেপিৰ দলৰ প্ৰাৰ্থীত্বক লৈ বিহপুৰীয়া সমষ্টিটোৰ চুকে কোনে চলিছে আলোচনা ৷ এইবাৰ বহু কেইগৰাকী নেতাই বিহপুৰীয়াত বিচাৰিব দলীয় টিকট ৷ যোৱা দুটাকৈ কাৰ্যকাল বিজেপিৰ দখলত থকা বিহপুৰীয়া সমষ্টিত বিধায়ক অমিয় ভুঞা প্ৰাৰ্থীত্বৰ দৌৰত আছে ৷ ইফালে নতুন মুখৰ প্ৰাৰ্থীত্ব প্ৰত্যাসী নেতাই ওপৰ মহলৰ লগত সঘনাই যোগাযোগ অব্যাহত ৰাখিছে ৷ জানিব পৰা মতে প্ৰাৰ্থীত্বৰ দৌৰত আছে কৃষক মৰ্চাৰ সভাপতি ৰঞ্জিত ভট্টাচাৰ্য ৷ আনহাতে ৰাজ্যিক কাৰ্যনিৰ্বাহক সদস্য হৰেন দেউৰীয়েও প্ৰাৰ্থীত্ব পাবৰ বাবে চলাইছে যোজা ৷ ৰাজনৈতিক সমীকৰণ অনুসৰি এইবাৰ বিজেপি দলে বিহপুৰীয়াত প্ৰক্ষেপ কৰিব মহিলা প্ৰাৰ্থী ৷
বিজেপিৰ ৰাজ্যিক নেতৃত্ব আৰু RSS নেতৃত্বৰে হোৱা পৰ্যালোচনাত মহিলা প্ৰাৰ্থীকে বিহপুৰীয়াত অগ্ৰাধিকাৰ দিব বুলি ইতিমধ্যে খাটাং হৈ পৰিছে ৷ দলৰ মহিলা মৰ্চাৰ নেত্ৰী তথা বিহপুৰীয়া পৌৰসভাৰ পৌৰপতি দ্বীপশিখা বৰা হব বিহপুৰীয়া বিধানসভা সমষ্টিৰ দলৰ মহিলা প্ৰাৰ্থী ৷ দলৰ প্ৰথম গৰাকী পছন্দৰ প্ৰাৰ্থী হিচাবে দ্বীপশিখাকে প্ৰক্ষেপ কৰাৰ সম্ভাৱনা প্ৰকট হৈ পৰিছে ৷ উল্লেখ্য যে বিহপুৰীয়াবাসী ৰাইজৰ দাবী দ্বীপশিখা বৰাকে দিব লাগে দলীয় টিকট ৷ উচ্চ শিক্ষিতা মহিলা দ্বীপশিখা বৰা বিজেপিৰ দলীয় প্ৰাৰ্থীত্বৰ বাবে উপযুক্ত প্ৰাৰ্থী ৰূপে সমষ্টিটোত চলিছে সৰব চৰ্চা ৷ দ্বীপশিখা বৰা ৰাইজৰ সৰ্বজনগ্ৰাহ্য প্ৰাৰ্থী ৷ গতিকে দ্বীপশিখাকে দলীয় টিকট প্ৰদান কৰিব লাগে বুলি বিহপুৰীয়াবাসী ৰাইজৰো দাবী ৷
