𝐀𝐒𝐒𝐀𝐌 𝐏𝐀𝐓𝐑𝐈𝐊𝐀 &𝐍𝐄⁷
ৰমেশ চন্দ্ৰ চৰেণ’: Assam Patrika & ne⁷ :২৪ ডিচেম্বৰ
গোৱৰ্ধন বায়’গেছ প্ৰকল্পৰ অধীনত চিৰাং জিলাৰ অসম-ভূটান সীমান্তৰ ডেউচিৰি গাঁৱত আজি জৈৱ গেছৰ প্ৰকল্পৰ আনুষ্ঠানিকভাৱে উদ্বোধন কৰা হয় ৷ জনস্বাস্থ্য কাৰিকৰী বিভাগ, বি.টি.চি. চৰকাৰৰ কাৰ্যবাহী সদস্য বেগম আখতাৰা আহমেদ, বি.টি.চি. সচিব মানস দাসৰ উপস্থিতিত অনুষ্ঠিত হোৱা সভাখনত অসমৰ জ্যেষ্ঠ চৰকাৰী বিষয়া আৰু স্থানীয় গাঁওবাসীয়ে অংশগ্ৰহণ কৰে ৷
বিশেষকৈ বিশুদ্ধ শক্তি প্ৰদান, গ্ৰাম্য অনাময় ব্যৱস্থা উন্নত কৰা, আৱৰ্জনা ব্যৱস্থাপনাক প্ৰসাৰিত কৰাৰ বাবে এই উদ্যোগটো স্থাপন কৰা হৈছে। প্ৰকল্পটোৰ এটা মূল উল্লেখযোগ্য দিশ হ’ল সুশীলা ফাউণ্ডেশ্যন ফৰ এগ্ৰিকালচাৰেল এণ্ড ৰুৰেল ডেভলপমেণ্টৰ শক্তিশালী দীৰ্ঘম্যাদী ব্যৱস্থাপনা, যিয়ে মিছন ডাইৰেক্টৰৰ কাৰ্যালয়ৰ সহযোগত স্থানীয় ৰাইজৰ সৈতে ঘনিষ্ঠ সমন্বয়ত বায়’গেছ প্লাণ্টটো পৰিচালনা আৰু ৰক্ষণাবেক্ষণৰ বাবে দায়বদ্ধ হ’ব ৷ উল্লেখ্য যে স্বচ্ছ ভাৰত মিছন-গ্ৰামীণ, অসম আৰু কোকৰাঝাৰ জনস্বাস্থ্য কাৰিকৰী বিভাগ নং ২, চিৰাংত কাৰ্যকৰী কৰা হৈছে ৷
অভিজ্ঞতাৰ সৈতে এটা দশকৰো অধিক কাল সুশীলা ফাউণ্ডেশ্যন ফৰ এগ্ৰিকালচাৰেল এণ্ড ৰুৰেল ডেভলপমেণ্টৰ বহনক্ষম উন্নয়নৰ লক্ষ্যৰ দিশত বিশেষকৈ গ্ৰাম্য অঞ্চলত কাম কৰি আছে। চৰকাৰী বিভাগ আৰু সামূহিক প্ৰতিষ্ঠানসমূহৰ সৈতে শক্তিশালী সহযোগিতাৰ জৰিয়তে উন্নয়ন প্ৰকল্পসমূহক স্থলভাগত স্থায়ী সুবিধালৈ ৰূপান্তৰিত কৰাত ফাউণ্ডেশ্যনে এক গুৰুত্বপূৰ্ণ ভূমিকা পালন কৰে।
অনুষ্ঠানত ভাষণ দি বেগম আখতাৰা আহমেদে কয় যে জৈৱ গেছ প্ৰকল্পটোৰ সফলতা গাঁওবাসীৰ মালিকীস্বত্ব আৰু অংশগ্ৰহণৰ ওপৰত নিৰ্ভৰশীল। তেওঁ গাঁৱৰ লোকসকলক এই পদক্ষেপক সমৰ্থন কৰিবলৈ আৰু ভৱিষ্যত প্ৰজন্মৰ বাবে ইয়াক ৰক্ষণাবেক্ষণ দিয়াৰ বাবে উৎসাহিত কৰে। গাওঁ পৰ্যায়ত বহনক্ষম শক্তিৰ সমাধান কৰাৰ লগতে জীৱিকাৰ উন্নতি সাধন কৰাত সহায়ক হব বুলিও সদৰি কৰে ৷
অসম চৰকাৰৰ পি এইচ ই (অনাময়)ৰ মুখ্য অভিযন্তা পল্লব কুমাৰ দাসে গোৱৰ্ধন প্ৰকল্পৰ কাৰিকৰী সুবিধাসমূহৰ বিষয়ে বিস্তৃত ব্যাখ্যা ডাঙি ধৰে । তেওঁ জৈৱিক আৱৰ্জনা ৰন্ধা-বঢ়া আৰু অন্যান্য ব্যৱহাৰৰ বাবে জৈৱ গেছলৈ ৰূপান্তৰিত কৰাৰ ওপৰত বক্তব্য ৰাখে ৷ অনুষ্ঠানত PHED বিটিচি চৰকাৰৰ সঞ্চালক ৰনবীৰ ব্ৰক্ষ্ম , কাৰ্যবাহী অভিযন্তা চাবিৰ আহমেদৰ উপৰিও ধৰ্মকান্ত বসুমতাৰী , ড০ দীপাম পাটোৱাৰীকে ধৰি ধৰি অভিযন্তা তথা চৰকাৰী বিষয়াসকল উপস্থিত থাকে ৷
