𝐀𝐒𝐒𝐀𝐌 𝐏𝐀𝐓𝐑𝐈𝐊𝐀 &𝐍𝐄⁷
পশ্চিম বড়িগোগত বৰষুণৰ পানীত ডুবিল ৰাজপ
যাতায়তত চৰম হাৰাশাস্তি কঞাঁ ৰাজহচক্ৰ সংযোগী পথত ।
অসম পত্ৰিকা বিশেষ: ১৮ মাৰ্চ
পূৰ্বৰ হাজো আৰু বৰ্তমানৰ ৰঙিয়া সমষ্টিৰ দক্ষিণ দিশৰ পশ্চিম বড়িগোগ মৌজাৰ অন্তৰ্গত কঞাঁ ৰাজহচক্ৰ বিষয়াৰ কাৰ্যালয়ৰ সন্মুখৰে যোৱা লোকনিৰ্মাণ বিভাগৰ পথটো আজি বৰষুণৰ পানীত ডুব যোৱাত ৰাইজক শংকিত কৰি তুলিছে । পানীৰ ফলত বৰ্তমান উক্ত পথটোৰে যাতায়ত যথেষ্ট অসুবিধাৰ সন্মুখীন হব লাগীয়া হৈছে পথচাৰী । এনেকৈ বাৰে এজাক বৰষুণ দিলে বানপানীত ডুব যায় উক্ত পথটো । উক্ত পথৰ কাষতে কঞাঁ ৰাজহচক্ৰৰ কাৰ্যালয় , কঞাঁ আৰক্ষী থানা অৱস্থিত। তদুপৰি পথটোৰ এটা অংশ কঞাঁ চকত সংলগ্ন হোৱাৰ লগতে আন এটা অংশ ধুহি – বালিসত্ৰ হৈ ৰঙিয়া সংযোগ কৰিছে । আনহাতে, অন্যা এটা অংশ বাৰাংহাটী চকীৰবড়ী চকত সংযুক্ত হৈছে । অতি গুৰুত্বপূৰ্ণ উক্ত পথেৰে দৈনিক শতাধিক যান-বাহনৰ উপৰি সহস্ৰাধিক পথচাৰী অহা-যোৱা কৰে । মৌজাখনৰ মহকুমা সদৰত সংযোগ কৰা একমাত্ৰ পথ এইটো । তথাপিও লোকনিৰ্মাণ বিভাগ তথা জনপ্ৰতিনিধিৰ পথটোৰ দুৰৱস্থা কিয় চকুত পৰা নাই সেইটোহে চিন্তনীয় বিষয় । ভূক্তভোগী ৰাইজে এইক্ষেত্ৰত আক্ষেপ প্ৰকাশ কৰি কয় যে ৰাইজৰ দূখ-দূৰ্গতিৰ বিষয়ে অসম চৰকাৰৰ লোকনিৰ্মাণ বিভাগৰ সময় নাই। তেওঁলোকে কেৱল কাৰ্যালয় চৌহদতে আৱদ্ধ থাকি ঠিকাদাৰৰ হতুৱাই সকলো উন্নয়নৰ কাম কাজ কৰি দায়িত্ব সামৰে । সেয়েহে ভুক্তভোগী অঞ্চলটোৰ ৰাইজ তথা দল সংগঠনে বিধস্ত পথটোসমূহ পৰ্যবেক্ষণ কৰি মেৰামতি কৰাৰ বাবে লোকনিৰ্মাণ বিভাগক দাবী জনাইছে ।
